Mga Gamot sa Binat ng Trangkaso

loading...

Naranasan mo na bang mabinat nang dahil sa trangkaso? Bagama’t totoong halos lahat ng tao ay nagka-trangkaso na, hindi naman ibig-sabihin nito ay nabinat na rin sala. Alam mo ba kung ano ang binat? Ito ay yung pagbalik o pag-ulit ng sakit na kagagaling pa lamang. Kapag nangyari ito sa iyo, alam mo ba kung ano ang dapat inuming gamot sa binat ng trangkaso? Bago inumin ang gamot, importanteng malaman mo muna kung bakit ka nabinat. Dapat naiintindihan mo rin kung ano talaga ang binat. Ang nabanggit na kahulugan ay ang pinaka-simpleng eksplanasyon lamang. Para mas maintindihan mo, ipagpatuloy lang ang pagbabasa at marami ka pang matutunan tungkol sa binat.

Ano ang binat ng lagnat at sanhi nito?

Ang bunat ay isang uri ng kalagayan o estado ng pangangatawan, kung saan kagagaling lamang ng isang tao sa sakit at ang katawan niya ay biglang napuwersa na nauwi sa binat. Ang ibig sabihin, kung kagagaling pa lamang sa trangkaso at biglang napuwersa ang pasyente dulot ng paggalaw, siya ay posibleng lagnatin uli at ito ang tinatawag na binat ng trangkaso. Kung tutuusin, wala namang pinag-iba ang mga nararamdaman sa sintomas ng binat sa trangkaso kumpara sa mismong trangkaso. Ito ay nauulit lang at kung minsan, mas nagtatagal pa sa katawan kaysa sa unang pagkakaroon ng trangkaso.

Katulad ng nabanggit, ang binat sa lagnat o trangkaso ay sanhi ng pagkapuwersa ng katawan mula sa pagkilos o paggalaw ng higit pa sa kayag gawin. Ang unang tatlong senyales na makikita sa iyo o mararamdaman mo kapag ikaw ay nabinat sa lagnat ang mga sumusunod:

  • Matinding pananakit ng ulo
  • Panlalamig o nakakaramdam na maginaw
  • Mainit na pakiramdam sa loob at labas ng katawan

Mga gamot sa binat ng trangkaso

Kaparehas din ang iniinom na gamot sa binat ng trangkaso ng isang tao sa gamot na una niyang ininom nang siya ay trangkasuhin. At, bagama’t naulit ang trangkaso o nabinat, hindi dapat mabahala. Hindi naman ibig sabihin nito ay mas matapang na gamot sa binat sa lagnat ang dapat bilhin at inumin. Hindi rin ibig sabihin ay mas lalaki pa ang gastos. Dapat malamang may mga gamot sa binat ng trangkaso sa natural na pamamaraan. Narito ang ilan:

  • Pag-inom ng tsaang mainit para bumaba ang lagnat
  • Madalas na pag-inom ng tubig para umihi at hindi ma-dehydrate
  • Pagpunas ng bimpo o tuwalyang binasa sa malamig na tubig o tap water para mabawasan ang init ng katawan
  • Pagpapahid ng langis sa katawan
  • Paghigop ng mainit na sabaw

Bukod sa mga nabanggit, isa pang mabisang gamot sa binat ng trangkaso ay ang lubusang pamamahinga. Lumiban muna sa trabaho o eskuwela at humiga, mag-relax at iwasan ang pag-iisip. Madalas, nakakadagdag sa sama ng pakiramdam ang sobrang pag-iisip. Kung sa tingin mo ay nagawa mo na ang lahat ng mga natural remedies at hindi pa rin naiibsan ang pakiramdam, mainam na pumunta na sa doktor. Maaari kang uminom ng paracetamaol ng kada apat na oras. O kaya naman ay, resetahan ng doktor ng gamot o antibiotics dahil baka may iba pang kailangang gamutin sa pagkakabinat mo.

loading...